MAASKOFU WAKATOLIKI WAKUTANA NA BALOZI WA TANZANIA

Read Time:3 Minute, 46 Second

Maaskofu Wakatoliki wa Tanzania wakiwa kwenye ziara maalumu Vatican wafanya mazungumzo na Balozi MAHMOUD THABIT KOMBO

Rome, Italy 17/05/2023

Na Mwandishi wetu ROME ITALY

WU®MEDIA

Maaskofu wa Kanisa la katoliki wa Tanzania wapo Vatican kwa ziara ya kuhiji inayofanyika kila baada ya miaka mitano.

*Baraza la Maaskofu Katoliki Tanzania katika Ibada ya Misa Takatifu, 17 Mei 2023* **VATICAN NEWS**

**Baba Askofu Muhashamu Gervas Nyaisonga akisaini kitabu Cha wageni Ubalozi wa Tanzania ROME ITALY**

Ziara hiyo ya baraza la maaskofu imekuwa ya kipekee Sana mwaka huu baada ya kuahirishwa kwa Kipindi kirefu kutokana na mlipuko wa ugonjwa wa Uviko19.

Pamoja na ratiba yao ndefu tangu wafike na ikiwa bado ratiba yao inaendelea lakini waliona ni umuhimu pia kukutana na Balozi wa Tanzania nchini Italy Mh. Mahmoud Thabit Kombo, kumsalimia lakini pia kubadilishana nae mawazo katika nyanja mbalimbali hasa kwenye huduma za kijamii ambazo wao kama kanisa Katoliki wamekuwa wakizifanya kwa muda mrefu. Mh Balozi aliwapokea wageni wake kwa hotuba ya utambulisho na historia fupi ya mahusiano mazuri ya miaka mingi baina ya Tanzania na Vatican ambapo ndiko makao makuu ya Wakatoliki. Balozi pia alikumbusha tuzo iliyotolewa na Vatican kwa Baba wa taifa Mwalimu Julius Kambarage Nyerere na mzee Thabit Kombo Jecha wakati huo wa Papa John Paul II.

Mh Balozi alimtambulisha Waziri wa maji Mh. Aweso ambaye nae yupo nchini Italy kwa ziara ya kikazi. hivyo nae aliitumia nafasi hiyo kukutana na Maaskofu hao.

Balozi Mahmoud Thabit Kombo akiwakaribisha Maaskofu Wakatoliki Tanzania Walipotelea Ubalozi wa Tanzania Rome

Kabla ya Mh.Balozi kumkaribisha Rais wa Maaskofu Tanzania Mhashamu Gervas Nyaisonga, Balozi alimpa nafasi Waziri Aweso kusalimia Maaskofu na kusema machache.

Mh. Waziri alizungumzia miradi ya kimkakati ambayo serikali ya Awamu ya Sita ya Rais Dkt. Samia Suluhu Hassan inaitekeleza ili kuhakikisha Watanzania wanapata maji safi na salama. Mh Waziri amesema safari hii ni moja ya Kazi za miradi mikubwa ya kimkakati. Waziri aliwaomba Maaskofu kwa nafasi yao washiriki kutoa elimu kwa waumini kuhusu umuhimu wa kutunza mazingira hasa kwenye vyanzo vya maji. Waziri amesema inasikitisha Sana kuona vyanzo vingi vya maji vimepotea kutokana na uharibifu wa mazingira. Waziri Aweso amewaomba maaskofu na viongozi wa Dini waendelee kuliombea Taifa la Tanzania amani Pamoja na kusisitiza umuhimu wa maadili kwa jamii kama afanyavyo Mh. Rais Dkt. Samia Suluhu Hassan Mh waziri pia awaomba Maaskofu kumuombea Rais wa Jamhuri ya Muungano wa Tanzania,Afya njema ili aweze kuendelea kuliongoza Taifa letu.

Waziri Aweso akiongea na Maaskofu Wakatoliki Ubalozi TANZANIA nchini Italy

Balozi pia alimpa nafasi katibu mkuu wizara ya maji Eng. Nadhifa Kemikimba ambae ameongozana na Mhe. Waziri Juma Aweso nchini Italy kwa ziara ya kikazi wakiambatana na wataalamu wa sekta hiyo.

Katibu mkuu Wizara ya Maji Eng. Kemikimba akisalimiana na Maaskofu Wakatoliki walipokutana na Balozi wa Tanzania nchini Italy Mh. Mahmoud Thabit Kombo Rome Italy
Nae Rais wa Maaskofu alimshukuru balozi kwa kuwapokea na kuonana, lakini pia nae pamoja na kumpongeza Mh. Balozi kwa kazi anayoifanya alisema wao kama maaskofu wataendelea kuliombea taifa, Rais na wasaidizi wake wakiwemo mabalozi ili nchi ya tanzania iendelee kuwa na amani na kupiga hatua zaidi za kimaendeleo kwa jumla.
Rais wa Maaskofu Mhashamu Gervas Nyaisonga alimaliza kwa kumuomba baba Askofu Mkuu Protase Rugambwa kuongoza maombi, kuliombea taifa pamoja na Rais wa Jamhuri ya Muungano wa Tanzania lakini pia kumuombea balozi na watendaji wote wa ubalozi maana alisema wao wanapowaombea wasaidizi wa Rais ina maana wanamuombea Rais kazi zake ziende vizuri na mafanikio.

Papa Francisko alipomteua Askofu Mkuu Protase Rugambwa kuwa Askofu mkuu mwandamizi mwenye haki ya kurithi Jimbo kuu la Tabora, Tanzania, baada ya kumaliza muda wake wa utume “Propaganda Fide” (Vatican Media)

Baada ya maombi Balozi Mahmoud Thabit Kombo alipata picha za pamoja na wageni wake akiwemo Mkuu wa majeshi mstaafu (CDF) Meja generali Venance Salvatory Mabeyo ambae nae alikuwa mmoja wa walioongoza na maaskofu kutoka Parokia yake akiwakilisha familia zote kwa ujumla.