BALOZI WA ITALY NCHINI TANZANIA AKUTANA NA WADAU WA BIASHARA BAADA YA KONGAMANO

Read Time:1 Minute, 32 Second

ITALY -TANZANIA BUSINESS AND INVESTMENT FORUM 2022.

Na Mwandishi wetu

Dar Es Salaam TANZANIA

WU® MEDIA

Balozi wa Italy nchini Tanzania (L’Ambasciatore) Marco Lombardi amekutana jioni ya Leo kwenye makazi yake Jijini Dar Es Salaam na wadau mbalimbali wa biashara waliohudhuria kongamano lilofanyika Zanzibar na DarEs Salaam.

Balozi Marco Lombardi akiongea na wadau wa biashara kwenye makazi yake Jijini Dar Es Salaam

Katika ghafla hiyo ya chakula Cha jioni pia ilihudhuriwa na Balozi wa Jamhuri ya Muungano wa Tanzania nchini Italy Mh. Mahamoud Thabit Kombo, Mabalozi hao ambao wamekuwa akishirikiana Sana kwenye masuala mbalimbali ya kidiplomasia na hasa kwenye Uchumi,walisisitiza na kuwataka wadau Kujiongeza zaidi katika kuzitumia fursa za pande zote mbili yaani Italy na Tanzania. Balozi wa Italy nchini Tanzania Mh. Marco Lombardi amewataka wawekezaji wa italia kutumia fursa zilizopo Tanzania kwenye sekta mbalimbali na kutumia fursa ya misamaha ya Kodi kwa wawekezaji .

Balozi Mahamoud Thabit Kombo alimsisitiza Balozi mwezie kutoa fursa za visa kwa wafanya biashara wa Tanzania ambao wanahitaji kwenda Italy kutafuta fursa zaidi.

Balozi Mahamoud Thabit Kombo akiongea na wadau kwenye ghafla iliyofanyika kwenye makazi ya Balozi wa Italy Nchini Tanzania Mh. Marco Lombardi.